გერმანიის კანცლერი ანგელა მერკელი ტელეკამერების წინ კვლავ შეუძლოდ გახდა. ინციდენტი ფინეთის პრემიერ-მინისტრის ანტი რინეს სამხედრო პატივით დახვედრის ცერემონიის დროს მოხდა.
ეს უკვე რიგით მესამე შემთხვევაა ბოლო რამდენიმე კვირის განმავლობაში. პირველად მედია მსგავსი ფაქტის მომსწრე 18 ივნისს, უკრაინის პრეზიდენტ ვლადიმირ ზელენსკის დახვედრის ცერემონიის დროს გახდა. მაშინ კანცლერმა მომხდარი გადაღლითა და ორგანიზმის გაუწყლოებით ახსნა. მეორე შემთხვევა კი გერმანიის პრეზიდენტთან აუდიენციის დროს მოხდა.