2008 წლის აგვისტოს რუსეთ-საქართველოს ომის მე-11 წლისთავს საქართველოს მხარდამჭერი გზავნილით ეხმაურება ლიეტუვის საგარეო საქმეთა მინისტრი ლინას ლინკევიჩუსი.
„თერთმეტი წელი საქართველოს წინააღმდეგ წინასწარ განზრახული აგრესიის შემდეგ. რუსეთი აგრძელებს მცოცავ ანექსიასა და საქართველოს ტერიტორიების 20 პროცენტის ოკუპაციას. სამწუხაროდ, გაკვეთილი ვერ ვისწავლეთ, რასაც ყირიმი და დონბასი მოჰყვა. ამას არასდროს უნდა შევურიგდეთ“, – აღნიშნავს ლინას ლინკევიჩუსი.