logo_geo
მამუკა მდინარაძე ოპოზიციას საერთაშორისო გამოხმაურებებით პასუხობს: "ჩვენ ქვეყნებს მოვუყვებით საქართველოს პროგრესზე"
- +

17 ოქტომბერი. 2019. 23:35

 

 

ფრაქცია "ქართული ოცნების" თავმჯდომარე მამუკა მდინარაძემ, პლენარულ სხდომაზე, სადაც მინისტრის საათის ფორმატში საგარეო საქმეთა მინისტრ დავით ზალკალიანს მოუსმინეს, ოპოზიციის განცხადებებს საერთაშორისო გამოხმაურებებით უპასუხა.

​მისი თქმით, ზალკალიანი-ლავროვის შეხვედრა წარმატებულად მიიჩნიეს და მიესალმნენ: შვეიცარიის საგარეო საქმეთა სამინისტრო, აშშ-ს სახელმწიფო დეპარტამენტი, აშშ-ს საელჩო საქართველოში, გაეროს გენერალური მდივნის სპიკერი, ევროკავშირის საქართველოს ევროპული სამეზობლო პოლიტიკისა და გაფართოების მოლაპარაკებების სპიკერი, ეუთო-ს თავმჯდომარე, სლოვაკეთის საგარეო საქმეთა მინისტრი და გერმანიის პრეზიდენტი.

"რაც არ უნდა უჩვეულო იყოს, გადავწყვიტე ჩემი აზრი არ დავაფიქსირო არაფერზე. მხოლოდ მშრალი ფაქტები და რამდენიმე ციტატა" - განაცხადა მდინარაძემ.

"ჩვენ ვხედავთ, რომ ეს შეხვედრა არათუ უშედეგოდ, საქართველოს საწინააღმდეგოდ დასრულდა", - რომან გოცირიძე ზალკალიანი - ლავროვის შეხვედრაზე.

"შეუძლებელია ათი წლის თავზე შეხვედრას პარტიზანულად ან ნახევრად პარტიზანულად ატარებდე, იმიტომ, რომ არანაირი წინასწარი ინფორმაცია არ ყოფილა, ყველაფერი იყო გასაიდუმლოებული", - გიგი უგულავა იგივე შეხვედრაზე.

"საქართველო აღარ არის აქტუალური, იგი გაქრა მსოფლიო ლიდერების რადარებიდან", - გიორგი კანდელაკი.

"წარმოუდგენელია პარტნიორი ნატოსთან იმაზე ახლოს იყოს, ვიდრე საქართველოა",- ჯეიმს აპატურაი.

"საქართველო საერთაშორისო ასპარეზზე დღის წესრიგიდან ჩაჩოჩდა", - გიგა ბოკერია.

"საქართველო სამაგალითო ქვეყანაა და ამ ტემპით უნდა გააგრძელოს ნატოში ინტეგრაციის პროცესი", - როუზ გიოტმიოლერი.

"საქართველოს საკითხი "ქართულმა ოცნებამ" დღის წესრიგიდან პრაქტიკულად გააქრო", - ზურაბ ჭიაბერაშვილი.

"ჩვენ ქვეყნებს მოვუყვებით იმ პროგრესს, რომელიც საქართველოს აქვს", - მედლინ მუნი.

...და ბოლოს, "ომის დაწყება 2008 წლის 7 აგვისტოს აღმოჩნდა მოულოდნელი". "2008 წლის 7 აგვისტოს საქართველოს სამხედრო ძალების მიერ ცხინვალის დაბომბვის გაუფრთხილებლად დაწყებით ესკალაცია ახალ, ღია და სრულმასშტაბიანი საომარი მოქმედებების საფეხურზე გადავიდა. რუსეთის შეტევა იყო საპასუხო", - დავით დარჩიაშვილი, გიორგი კანდელაკი, გიორგი გაბაშვილი, ჩიორა თაქთაქიშვილი გიორგი თარგამაძე ანუ "ნაციონალური მოძრაობა" თავიანთი მხარდაჭერით ანუ რუსული ემედმენთები ევროპის საბჭოს რეზოლუციაში.

"წარმოუდგენელია იმის დაშვება, რომ ომი 2008 წლის აგვისტოში დაიწყეს საქართველოს სამხედრო ძალებმა. რუსეთი ოკუპანტია, საქართველო არასდროს შეეგუება ოკუპაციას", - ქართული საზოგადოება. დიდ მადლობა."- განაცხადა მამუკა მდინარაძემ.

 

 

 

big_banner
არქივი