logo_geo
გიორგი ვოლსკი: თურმე, ჩოხაში ჩაცმული ბიჭების სექსის გადაღების არმოწონების გამო შეკრულები ვართ იმ ხალხთან, ვინც ქვებს ისვრის
- +

12 ნოემბერი. 2019. 15:16

 

 

„თურმე, ნუ იტყვით და „წინწყაროს“ მელოდიაზე ჩოხაში ჩაცმული ბიჭების სექსის გადაღების არმოწონების გამო შეკრულები ვართ იმ ხალხთან, ვინც ქვებს ისვრის ან ჯვარს იყენებს თავში ჩასარტყმელ იარაღად“, - ამის შესახებ უმრავლესობის დეპუტატმა გიორგი ვოლსკიმ პლენარულ სხდომაზე განაცხადა.

 

„მიგვიხვდნენ, რომ თურმე ჩვენ არ მოგვწონს ის, რომ პატრიარქს აგინებენ და ეს იმისთვის გვინდა, რომ რაღაცა სხვა საკითხი გადავფაროთ. ყველამ იცის, რომ ეს ასე არ არის. მაგრამ ხშირად თუ გაიმეორებ, შეიძლება შეიქმნას ისეთი შთაბეჭდილება, რომ ადამიანები, რომლებიც გადასულები არიან ყოველგვარ ზღვარს, დღეს სიმართლის რაღაც მიმართულებაზე დგანან. ყოველ შემთხვევაში, იმ ხალხის გასაგონად მაინც, ვინც საქმის კურსში არაა და ემოციურად არ არის დაკავშირებული იმ პერიოდთან, როცა ესენი ყავარჯნებიანი კაცის სიმბოლოთი იყვნენ წარმოდგენილები ქართულ პოლიტიკაში“, - განაცხადა ვოლსკიმ.

 

მისივე თქმით, ოპოზიციის მხრიდან ასეთი გამწარებული და გააფთრებული შეტევა დაძაბული ატმოსფეროს შენარჩუნებას ისახავს მიზნად.

 

„ვინმემ მართლა არ დაიჯეროს, რომ უსინათლო და უწყლო სოფლები ახლა შევქმენით და ახლა აღმოცენდა სიცარიელიდან. ეს ხომ დაგვხვდა?! დანგრეული გზები, სოფლები დენის გარეშე, გაზზე აღარაა საუბარი, ხომ დაგვხვდა?! ამიტომ ნუ ავყვებით მათ და ვიმუშაოთ“,  - განაცხადა გიორგი ვოლსკიმ.

 

 

 

 

big_banner
არქივი