logo_geo
მამუკა მდინარაძე: „ნაციონალური მოძრაობა“ საზოგადოების სახელით ნუ ლაპარაკობს
- +

5 თებერვალი. 2020. 11:22

 

 

„ნაციონალური მოძრაობის“ წინაშე პასუხის გასაცემი არაფერი გვაქვს, საზოგადოების სახელით ნუ ლაპარაკობენ“, – ამის შესახებ საპარლამენტო უმრავლესობის ლიდერმა მამუკა მდინარაძემ განაცხადა.

 

როგორც მამუკა მდინარაძემ აღნიშნა, თუ რაიმე გადაწყვეტილება არ ან ვერ შესრულდა „ქართული ოცნების“ მხრიდან, ეს არის ქართველი ხალხის განსასჯელი.

 

„ჩვენ რატომღაც გვეუბნებიან, რომ „ნაციონალურ მოძრაობასა“ და მის სატელიტებს უნდა გავცეთ რაღაც პასუხი. პასუხი მათ კი არ უნდა გავცეთ, ხალხს უნდა გავცეთ. თუ რაიმე გადაწყვეტილება არ ან ვერ შესრულდა „ქართული ოცნების“ მხრიდან, ეს არის ქართველი ხალხის განსასჯელი. ხალხი ამას არჩევნებზე განსჯის. თუ ეს გადაწყვეტილება საზოგადოებამ იმდენად მტკივნეულად მიიღო, რომ „ქართული ოცნების“ ინტერესი დაზიანდა, ისინი ამას არჩევნებზე გასცემენ პასუხს. „ნაციონალური მოძრაობის“ წინაშე პასუხის გასაცემი არაფერი გვაქვს. საზოგადოების სახელით ნუ ლაპარაკობენ. მათ თავი დაანებონ საზოგადოებაზე საუბარს“, – განაცხადა მამუკა მდინარაძემ.

 

 

big_banner
არქივი