logo_geo
„პატრიოტთა ალიანსის“ მიერ ჩატანილი ხატი აფხაზებმა მდინარე ენგურთან მიიტანეს
- +

5 სექტემბერი. 2020. 23:17

 

 

სპექტაკლი დასრულებულია” , – ასე შეაფასეს დღეს, აფხაზებმა “პატრიოტთა ალიანსისთვის” ხატის დაბრუნების პროცესი.

ირმა ინაშვილისა და გიორგი ლომიას მიერ ილორის მონასტერში ჩატანილი ხატი, აფხაზმა აქტივისტებმა ცოტა ხნის წინ ენგურის ხიდთან, ოკუპანტების კონტროლირებად ტერიტორიაზე მიიტანეს და დაასაწყობეს.

მათი თქმით, პოლიტიკოსებს შეუძლიათ ნივთი დაიბრუნონ. გარდა ამისა, აცხადებენ, რომ ეს არ არის კანონიკური წესების დაცვით შესრულებული ხატი და ის ნაბეჭდი მასალაა, რომელსაც რელიგიური ღირებულება არ გააჩნია.

შეგახსენებთ, “პატრიოტთა ალიანსის” ლიდერებმა ირმა ინაშვილმა და გიორგი ლომიამ რამდენიმე დღის წინ აფხაზეთის ოკუპირებულ ტერიტორიაზე ყოფნისას ილორის ეკლესიაში ხატი საჩუქრად მიიტანეს.

 

 

წყარო : wyaro
big_banner
არქივი