logo_geo
გიორგი კვირიკაშვილი: ჰელმუტ კოლის სახელს უკავშირდება გერმანიის გაერთიანება!
- +

16 ივნისი. 2017. 23:51


საქართველოს პრემიერ-მინისტრი გიორგი კვირიკაშვილი გერმანიის ყოფილი კანცლერის, ჰელმუტ კოლის გარდაცვალების გამო მწუხარებას გამოთქვამს.


„მწუხარებას გამოვთქვამ გერმანელი პოლიტიკური მოღვაწის, გერმანიის ყოფილი კანცლერის ჰელმუტ კოლის გარდაცვალების გამო.

 

ჰელმუტ კოლის სახელს უკავშირდება გერმანიის გაერთიანება,  რაც მსოფლიოს უდიდესი მნიშვნელობის მოვლენა იყო. მას დიდი წვლილი მიუძღვის ევროპის პოლიტიკური და ეკონომიკური ინტეგრაციის საქმეში და მშვიდობისათვის ბრძოლაში. 

 

ქართველ ხალხს გვახსოვს ჰელმუტ კოლის თანადგომა და დიდი მხარდაჭერა საქართველოსთვის ურთულეს პერიოდში, - დამოუკიდებლობის მოპოვების შემდეგ იგი გვეხმარებოდა პირველი ნაბიჯების გადადგმაში ევროპასთან დასაახლოებლად.

 

გულწრფელ თანაგრძნობას ვუცხადებ ჰელმუტ კოლის ოჯახს და გერმანელ ხალხს ამ დიდი დანაკლისის გამო",-ნათქვამი პრემიერის სამძიმრის წერილში.


გერმანიის ყოფილი კანცლერი ჰელმუტ კოლი 87 წლის ასაკში გარდაიცვალა.


 

 

big_banner
არქივი