„ძალიან მიხარია, რომ ამერიკას დიპლომატი ჰყავს და დარწმუნებული ვარ, თუ გულწრფელი დიალოგი იქნება და ობიექტურ გარემოებებზე დაყრდნობა, ძალიან მალე აღმოიფხვრევა ის ხარვეზები, რაც წინა ელჩის დროს იყო“, – ამის შესახებ საქართველოს პარლამენტის დიასპორის კომიტეტის თავმჯდომარე ბექა ოდიშარიამ განცხადა.

როგორც ბექა ოდიშარიამ აღნიშნა, „ქართული ოცნება“ ამერიკის ელჩთან დაპირისპირებას არცერთ შემთხვევაში არ აპირებს.

„იმედი მაქვს, ამერიკის ახალი ელჩი არ დაუშვებს იმას, რომ ქართველი და ამერიკელი ხალხი იყოს დაპირისპირებული. „ქართული ოცნება“ ამერიკის ელჩთან დაპირისპირებას არცერთ შემთხვევაში არ აპირებს. ნებისმიერ დიპლომატს, ყველას გულით და სულით ვხვდებით. განსაკუთრებით, ჩვენი სტრატეგიული პარტნიორის ამერიკის შეერთებული შტატების ელჩს. ძალიან მიხარია, რომ ამერიკას დიპლომატი ჰყავს და დარწმუნებული ვარ, თუ გულწრფელი დიალოგი იქნება და ობიექტურ გარემოებებზე დაყრდნობა, ძალიან მალე აღმოიფხვრევა ის ხარვეზები, რაც წინა ელჩის დროს იყო“, – განაცხადა ბექა ოდიშარიამ.