ახმეტის მუნიციპალიტეტში, სოფელ ალავერდთან ერთმანეთს „ბე-ემ-ვესა“ და „მიცუბიშის“ მარკის ავტომობილები შეეჯახნენ. ავარიის შედეგად მძღოლმა და მგზავრმა სხეულის დაზიანებები მიიღეს. ისინი სასწრაფო დახმარების ჯგუფმა თელავის რეფერალურ საავადმყოფოში გადაიყვანა.

შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.