ფოთში, მდინარე რიონში, ხიდის მოაჯირიდან 16 წლის მოზარდი გადავარდა, რომელსაც ამ დრომდე ეძებენ.
როგორც თვითმხილველები ამბობენ, მოზარდი მეგობრებთან ერთად იყო.
„ბიჭი ორ მეგობართან ერთად მიდიოდა. მოაჯირზე გაიარა, ფეხი დაუცდა და ჩავარდა. ამ დრომდე ვერ პოულობენ“, – აცხადებს ერთ-ერთი თვითმხილველი.
ადგილზე მობილიზებულია სასწრაფო-სამედიცინო დახმარების სამსახური და პოლიცია. მიმდინარეობს სამძებრო-სამაშველო ღონისძიებები.