ზუგდიდში, აღმაშენებლის ქუჩაზე ავტოავარიის შედეგად 3 მანქანა დაიმტვრა. თვითმხილველების თქმით, ძლიერი ხმა იყო, ერთ-ერთი მანქანა ცენტრალურ გზაზე სავაჭრო მარკეტს დაეჯახა.
დაშავებული მგზავრები სასწრაფო სამედიცინო დახმარების ბრიგადამ საავადმყოფოში გადაიყვანა. შემთხვევის ადგილზე მოძრაობა პარალიზებულია. ადგილზე ექსპერტ-კრიმინალისტები მუშაობენ.
ზუგდიდის რეფერალური საავადმყოფოს კლინიკური მენეჯერის სულხან ორჟონიას თქმით, შემოყვანილია ორი პაციენტი. ორივე მათგანი იმყოფება გადაუდებელი მედიცინის განყოფილებაში. მათ შესაბამისი კვლევები და მკურნალობა უტარდებათ.
შსს-ს ინფორმაციით, მომხდართან დაკავშირებით გამოძიება 276-ე მუხლის პირველი ნაწილით მიმდინარეობს.