გორის მუნიციპალიტეტის სოფელ კარალეთში ქვეითს ავტომანქანა დაეჯახა. დაშავებული 57 წლის ქალი სასწრაფო დახმარების ჯგუფმა კლინიკა „გორმედში“ გადაიყვანა. პაციენტს მრავლობითი ტრავმული დაზიანებები აღენიშნება.
„პაციენტი შემოყვანილია პოლიტრავმით, აღენიშნება ტრავმები გულ-მკერდის, მუცლის, მენჯების არეში. ამ წუთებში უტარდება საფუძვლიანი გამოკვლევები, მათ შორის, მაღალტექნოლოგიური კვლევები, რის შემდეგად მოხდება გადაწყვეტილების მიღება შემდგომი მკურნალობის მეთოდებზე“, - განაცხადა „ინტერპრესნიუსთან“ ექიმმა ვიტალი სავანელმა.