„ხულო-ახალციხის დამაკავშირებელ გზაზე, კერძოდ, გოდერძის უღელტეხილის მონაკვეთზე ქარბუქის გამო, სატრანსპორტო მოძრაობა რამდენიმე წუთით შეფერხებული იყო“,- ამის შესახებ ხულოს მუნიციპალიტეტის მერმა ვახტანგ ბერიძემ „ინტერპრესნიუსს“ განუცხადა. ვახტანგ ბერიძის ინფორმაციით, გოდერძის უღელტეხილზე მძიმე ტექნიკამ გზა დროულად გაწმინდა და ადიგენი-ახალციხის მიმართულებით ტრანსპორტის გადაადგილება თავისუფლად არის შესაძლებელი.
ხულოში ამ დროისთვის თოვს.