ზუგდიდში 6000-მდე აბონენტს ბუნებრივი გაზის მიწოდება ავარიულად შეუწყდა.
როგორც საქართველოს პირველი არხის ჟურნალისტი ზუგდიდიდან იუწყება, ამის მიზეზი კონსტიტუციის ქუჩაზე „სოკარ-ჯორჯია გაზის“ 250 მმ-იანი მილის დაზიანება გახდა. გაზსადენი კომპანია „პფაიფერის“ მიერ სამუშაოების წარმოებისას დაზიანდა. შედეგად 6000-მდე აბონენტი ქსელიდან ავარიული გამოირთო „პფაიფერი“ ერთიანი საკანალიზაციო ქსელის მოწყობის სამუშაოებს ახორციელებს.
როგორც საქართველოს პირველ არხს„ სოკარ-ჯორჯია გაზის“ ზუგდიდის ფილიალში განუცხადეს, ქსელის აღდგენითი სამუშაოები დაწყებულია, რაც მთელი ღამე გაგრძელდება და ბუნებრივი აირის მიწოდება მოსახლეობას სავარაუდოდ, ხვალ დილით აღუდგება.