logo_geo
კორონავირუსით გარდაცვლილთა რაოდენობა 1310-მდე გაიზარდა
- +

13 თებერვალი. 2020. 10:21

 

 

 

ჩინეთში, ხუბეის პროვინციაში, კორონავირუსით გარდაცვლილთა რაოდენობა 242-ით გაიზარდა და 1310-ს მიაღწია, - ამის შესახებ ინფორმაციას „როიტერსი“ ავრცელებს.

 

მათივე ინფორმაციით, ეს ერთ დღეში ვირუსით გარდაცვალების დადასტურებული შემთხვევების რეკორდული მაჩვენებელია, გასული წლის დეკემბრის შემდეგ, ანუ იმ დროიდან, როდესაც პათოგენი აღმოაჩინეს.

 

რაც შეეხება დაინფიცირებულებთან დაკავშირებულ სტატისტიკას, ერთ დღეში კორონავირუსის დიაგნოზი კიდევ 14 840 ადამიანს დაუსვეს და დადასტურებული შემთხვევების საერთო რაოდენობა 60 000-მდე გაიზარდა.

 

ხუბეის პროვინციის ჯანდაცვის ოფიციალური პირების განმარტებით, მათ ინფექციით დაინფიცირებისა და გარდაცვალების შემთხვევების დათვლის ახალი მეთოდოლოგია შეიმუშავეს.

 

შეგახსენებთ, რომ ჩინეთის ფარგლებს გარეთ, ოცზე მეტ ქვეყანასა და ტერიტორიაზე, ვირუსით დაინფიცირების ასეულობით შემთხვევაა დადასტურებული, თუმცა დღემდე მხოლოდ ორი ფატალური შემთხვევა დაფიქსირდა: ერთი ფილიპინებში, ერთი კი - ჰონგ-კონგში.

 

 

big_banner
არქივი