არქეოლოგიური აღმოჩენა ძირკოკში, რომელიც სოფლის ისტორიას ცვლის.
დავით მინაშვილმა სახლის ეზოში, მიწის სამუშაოების დროს სამარხი იპოვა. ძეგლთა დაცვის სპეციალისტის ინფორმაციით, იგი საოჯახო აკლდამაა და სავარაუდოდ მეოთხე-მეხუთე საუკუნეებს განეკუთვნება. ქვა-ყუთის სამარხი არქეოლოგიურ შესწავლას საჭიროებს.
თამაზ მარკოზაშვილის განმარტებით, რამდენიმე დღის წინ ძირკოკში მსგავსი სამარხი სხვა ადგილზეც აღმოჩნდა. ეს კი იმაზე მიგვანიშნებს, რომ მეოთხე-მეხუთე საუკუნეში ძირკოკი დასახლებული პუნქტი ყოფილა.