რუსთავში მე-12 მიკრორაიონში ერთ-ერთ მრავალსართულიან საცხოვრებელ კორპუსში ხანძარია. ცეცხლი სავარაუდოდ, საცხოვრებელ ბინაში გაჩნდა.
როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ადგილზე მობილიზებულია 4 სახანძრო-სამაშველო ეკიპაჟი, მიმდინარეობს ქრობითი სამუშაოები.
მათივე ინფორმაციით, მიმდინარეობს კორპუსის ევაკუაცია და ამ დროისთვის დაშავებულების შესახებ ინფორმაცია ხელმიუწვდომელია.