ქუთაისში #32 სკოლის 50-მდე თანამშრომელს „კოვიდ-19“-ზე ტესტირება ჩაუტარდა.
მათთვის ანალიზის ჩატარება მას შემდეგ გახდა საჭირო, რაც გაირკვა, რომ ერთ-ერთი პედაგოგი, რომელიც თბილისში, ქორწილში იმყოფებოდა, კოვიდ-ინფიცირებული პირის კონტაქტია.
ქუთაისის განათლების რესურსცენტრის ხელმძღვანელის, მაია ცქიტიშვილის ინფორმაციით, სპეციალისტებმა ანალიზები ყველა იმ პირს აუღეს, ვისაც აღნიშნულ პედაგოგთან სამსახურებრივი კონტაქტი ჰქონდა. ანალიზების პასუხები ხვალ დილით გახდება ცნობილი.