საჩხერის სამედიცინო ცენტრში კორონავირუსისგან ოთხი პაციენტი გამოჯანმრთელდა. კლინიკის დირექტორის, მიხეილ ქამუშაძის ინფორმაციით, პაციენტები სამედიცინო ცენტრს დღეს დატოვებენ.
კლინიკიდან ერთი კოვიდ-ინფიცირებული სამკურნალოდ თბილისში გადავიდა, სადაც მკურნალობის კურსს საკუთარ ოჯახის წევრებთან ერთად გაივლის. ასევე, კლინიკიდან კიდევ ერთი გამოჯანმრთელებული პაციენტი ორი დღის წინ გაეწერა.
ამ ეტაპზე, კლინიკაში კოვიდ-ინფიცირებული და საეჭვო სიმპტომების მატარებელი პაციენტები აღარ იმყოფებიან.