აჭარის მთავრობაში აცხადებენ, რომ რეგიონში სიტუაცია რთულია, თუმცა კონტროლირებადი. ეპიდემიოლოგიურ სიტუაციასთან დაკავშირებით, აჭარის მთავრობაში ოპერატიული შტაბის მორიგ სხდომაზე იმსჯელეს.
უწყების ინფორმაციით, მეორე ტალღის შემდეგ 1 800-ზე მეტი ინფიცირებული გამოჯანმრთელდა.
„სხვადასხვა უწყებისგან შემდგარი სამთავრობო შტაბი, მუდმივ რეჟიმში, კოორდინირებულად მუშაობს, რათა ყველა ადეკვატური მოთხოვნა იყოს დაკმაყოფილებული. ხდება პროფესიონალ კლინიცისტების ჯგუფის გამოცდილების გაზიარება კლინიკური მართვის ნაწილში“, – აცხადებენ აჭარის მთავრობაში.
ადგილზე რჩება თბილისის პირველი საუნივერსიტეტო კლინიკის გენერალური დირექტორი ლევან რატიანი, რომელიც რესპუბლიკური საავადმყოფოს შემდეგ დღეს რეგიონის სხვა კოვიდ-ცენტრებში არსებულ სიტუაციას ეცნობა.