მუზეუმების საერთაშორისო დღესთან დაკავშირებით კასპის მუნიციპალიტეტში გამართული ღონისძიებების კვირეული დასრულდა, რომელშიც ხუთივე მუზეუმი მონაწილეობდა.

კასპის გიორგი ხორგუაშვილის სახელობის მხარეთმცოდნეობის მუზეუმში  ქალთა ნამუშევრების საგაზაფხულო გამოფენა გაიმართა. გამოფენის 14 მონაწილიდან 13 -ის ნამუშევრები პირველად გახდა ცნობილი დამთვალიერებლებისთვის, მათგან ყველაზე უმცროსი ქალაქის #1 საჯარო სკოლის მეცხრე კლასის მოსწავლე ქეთევან კოპაძე იყო.

სასირეთის გენერალ გიორგი მაზნიაშვილის და  ხოვლეს ივანე ჯავახიშვილის სახელობის მუზეუმებში,  ლამისყანის ჯამბაკურ-ორბელიანების სასახლე მუზეუმში მოეწყო  გამოფენები საოჯახო ალბომებიდან,  ხატვის კონკურსები ხოლო  საჯარო სკოლის მოსწავლეებმა საკუთარი  თვითშემოქმედება წარმოადგინეს.

კავთისხევში ომარ კელაპტრიშვილის სახლ-მუზეუმში  გამართულ ღონისძიებაში „ლხინი სოფლად“,  მონაწილეობდა  კულტურის დაწესებულებების გაერთიანებასთან არსებული აღაიანის სასოფლო კლუბის ხალხურ საკრავთა ანსამბლი, საერთაშორისო ფესტივალების ლაურეატი  „თხოთი“.

კასპის მუნიციპალიტეტის მერიამ მუზეუმების დირექტორები  წიგნით „შიდა ქართლის ეკლესია - მონასტრები“  დაასაჩუქრა.