logo_geo
საქართველოს ბაზარზე, მსხვილი ინდუსტრიული ჰოლდინგი „Aigroup“ ოპერირებას იწყებს
- +

21 მარტი. 2019. 19:03

 

 

საქართველოს ბაზარზე, მსხვილი ინდუსტრიული ჰოლდინგი „Aigroup“ ოპერირებას იწყებს

 

 

 

დღეიდან, საქართველოს ბაზარზე მსხვილი ინდუსტრიული ჰოლდინგი „Aigroup“ ოფიციალურად  ოპერირებას იწყებს.

 

ინდუსტრიული ჰოლდინგი „aicar“-ს, „aienerg“y-ს, „aipower“-სა და „aiproduction“-ს აერთიანებს.

 

როგორც ჰოლდინგში აცხადებენ, „Aigroup“-ის მთავარი პლატფორმა, მიზნები და პრიორიტეტი ეკოლოგიური მიმართულების პროექტები იქნება.

 

აღსანიშნავია, რომ ჰოლდინგი მოიცავს „ქარშეარინგის“ სერვისს, ელექტროდამტენებს, მზის პანელებს და ბოლოს, ყველაზე მთავარს, საქართველოში ელექტრომობილების წარმოების დაწყებას.

 

„Aicar“ არის კომპანია, რომლის მუშაობის მთავარი პრინციპია - დაზოგო დრო და ფინანსები, ამ კუთხით ის სთავაზობს მომხმარებელს მოქნილ სერვისს, ე.წ. საზიარო ავტომობილს. მომხმარებელს შეუძლია, დღის ნებისმიერ მონაკვეთში, სპეციალური აპლიკაციის საშუალებით, იპოვოს უახლეს წერტილში „aicar“-ის მანქანა და გადაადგილდეს სასურველი მიმართულებით. ავტომანქანით სარგებლობის შემდეგ, ავტომობილის დატოვება მომხმარებელს თბილისის მასშტაბით ნებისმიერ პარკინგზე შეეძლება. აღსანიშნავია, რომ „aicar“-ის ავტოპარკის ყველა ავტომობილი ელექტრონულია.

 

„Aipower“ ესაა კომპანია, რომლის მიმართულებაც მზის ელექტროსადგურები და პანელები იქნება. დასაწყისისთვის იგეგმება მზის ელექტროსადგურების ეტაპობრივად დამონტაჟება დედაქალაქის ტერიტორიაზე არსებული შენობების სახურავებზე. გამოყენებულ იქნება თანამედროვე ტექნოლოგიების ბოლო მიღწევები, განახლებადი ენერგიის მიღებისათვის. მზის სადგურები გაზრდის ენერგიის წარმოებას უმოკლეს ვადებში და შეამცირებს იმპორტს. რაც თავის მხრივ შეამცირებს დამოკიდებულებას იმპორტირებულ გაზზე.

 

„Aienergy“-ს მიერ, სერვისის ფარგლებში, დედაქალაქში დამონტაჟდება დამტენი მოწყობილობები, მათ შორის, სწრაფი დამტენები, რომლითაც შესაძლებელი იქნება მანქანის დამუხტვა. ავტომანქანით სარგებლობის შემდეგ, ავტომობილის დატოვება მომხმარებელს თბილისის მასშტაბით ნებისმიერ პარკინგზე შეეძლება.

 

„Aiproduction“-ის წარმოება კი ითვალისწინებს პირველი ქართული ელექტრომობილების წარმოებას საქართველოში. შეიქმნება მანქანების ქართული ბრენდი, რომელიც ელექტრომანქანებით მოამარაგებს არა მხოლოდ ქართულ ბაზარს, არამედ კავკასიის რეგიონს, ცენტრალურ აზიასა და ევროპას. პირველი ქართული ელექტრომობილის წარმოება წლის ბოლომდე იგეგმება.

 

აღსანიშნავია, რომ საქართველოს ევროპასთან ასოცირების ხელშეკრულებით ნაკისრი ვალდებულების ფარგლებში ერთ-ერთი მნიშვნელოვანი კომპონენტი სწორედ ეკოლოგიური გარემოს შესაბამის სტანდარტებთან მოყვანაა.

 

ქვეყნებს შორის, რომლებსაც გარემოს ევროპულ სააგენტოსთან თანამშრომლობის ვალდებულება არ აქვთ, საქართველოში PM10 და PM2.5 (მყარი ნაწილაკები, რომლებიც მშენებლობებისა და საწვავის წვის შედეგად ხვდება ჰაერში და კრიტიკული გავლენა აქვს ადამიანის ჯანმრთელობაზე) ნაწილაკების ჰაერში წლიური კონცენტრაცია ერთ-ერთი ყველაზე მაღალია“, - აცხადებენ კომპანიაში.

 

„Aigroup“ პირველი ჰოლდინგია საქართველოს ბაზარზე, რომელიც კომპლექსური მიდგომით იწყებს ინვესტიციების განხორციელებას ეკოლოგიასთან დაკავშირებულ სეგმენტში.

 

„ეკოლოგია ის თემაა, რომელიც უკლებლივ ყველას გვეხება, ეს ჩვენი მომავალიცაა და ჯანსაღი ცხოვრების გარანტიაც, სწორედ ეს იყო მთავარი მოტივაცია და იდეის არსიც, განგვეხორციელებინა ინვესტირება ერთი შეხედვით ეკონომიკურად არც თუ ისე მომგებიან სეგმენტში, მაგრამ უპირობოდ ჩვენი და ჩვენი შვილების სასიცოცხლოდ აუცილებელ მომავალში“, - აცხადებენ ჰოლდინგში.

 

 

big_banner
არქივი