შანხაის მასტერსის სერიის ტურნირი გამარჯვებით დაიწყო ნიკა ბასილაშვილმა, რომელმაც კანადელ დენის შაპოვალოვს იოლად მოუგო ორ სეტში 6:2, 6:2. ამ მოგებით ქართველმა ჩოგბურთელმა უკვე გაინაღდა სარეიტინგო 45 ქულა, რაც იმის წინაპირობაა, რომ მომავალ რეიტინგ-ლისტში მინიმუმ 22-ე საფეხურზე ვიხილავთ. ქართველ ჩოგბურთელ ვაჟთაგან ამ სიმაღლისთვის არავის მიუღწევია.
შეგახსენებთ, რომ ორი დღის წინ ნიკოლოზ ბასილაშვილმა პეკინში ჩინეთის ღია პირველობა მოიგო და დღეისთვის მსოფლიოს რეიტინგ-ლისტში 23-ე პოზიციაზეა.