საფეხბურთო სააგენტოების ევროპული ასოციაციისა და ევროპული კლუბების ასოციაციის ვერსით, კრიშტიანუ რონალდუ პლანეტის საუკეთესო ფეხბურთელად დასახელდა. პორტუგალიელ ფეხბურთელს Globe Soccer Awards-ის პრემია უკვე მეხუთედ გადასცეს.
Euronews-ის ცნობით, დაჯილდოების ცერემონია დუბაიში გაიმართა. ტურინის „იუვენტუსის“ თავდამსხმელი ამ ტიტულს უკვე ზედიზედ სამი წელია ინარჩუნებს.
Globe Soccer Awards-ის ვერსიით, წლის საუკეთესო მწვრთნელი დიდიე დეშამია, რომელიც საფრანგეთის ეროვნულ ნაკრებს წვრთნის.
საუკეთესო კლუბად მადრიდის „ატლეტიკო“ დასახელდა, რომელიც ევროპის ლიგის მოქმედი ჩემპიონია.