მსოფლიოს მე-16 ჩოგანმა ნიკოლოზ ბასილაშვილმა „უიმბლდონზე“ პირველი გამარჯვება იზეიმა. ურთულეს შეხვედრაში, რომელიც 3:30 საათს გაგრძელდა, ბასილაშვილმა სიის 195-ე ნომერი, ბრიტანელი ჯეიმს უორდი დაამარცხა.
პირველი ორი სეტი ქართველმა ჩოგბურთელმა 2:6 და 4:6 დათმო, თუმცა შემდეგ მატჩში გარდატეხა შეიტანა და ორი სეტი 6:4, 6:4 მოიგო. გადამწყვეტი მეხუთე სეტი ასევე ბასილაშვილის უპირატესობით 8:6 დასრულდა.
შემდეგ წრეში, 3 ივლისს ბასილაშვილი მსოფლიო რეიტინგის 61-ე ნომერს, ბრიტანელ დენიელ ევანსს შეხვდება.
უიმბლდონის ტურნირი 1 ივლისს დაიწყო და 14 ივლისამდე გაგრძელდება. ტურნირის საპრიზო ფონდი 38 მილიონი გირვანქა სტერლინგია.