25-წლიანი პაუზის შემდეგ, „პარი სენ-ჟერმენი“ ჩემპიონთა ლიგის ნახევარფინალში გავიდა. პარიზელები „ატალანტასთან“ მარიო პაშალიჩის გოლის გამო მარცხდებოდნენ, თუმცა, შეხვედრის ბოლოს, 149-წამიან ინტერვალში, მეტოქეს ორი ბურთი გაუტანეს და 2:1 გაიმარჯვეს.
„პსჟ“-ს შემადგენლობაში თავი მარკინიოსმა და ჩუპო-მოტინგმა გამოიჩინა, შეხვედრის საუკეთესო ფეხბურთელად კი ნეიმარი დასახელდა, რომელიც ლიგის ნახევარფინალში ხუთწლიანი პაუზის შემდეგ ითამაშებს.
„ატალანტას” გავარდნის შემდეგ, იტალიის სერია A-ს ლიგის წლევანდელ გათამაშებაში წარმომადგენელი აღარ დარჩა.