logo_geo
შერმადინმა 20 ჩააგდო, ბურჯანაძემ 13 - ქართველი კალათბურთელების წინასასეზონო მოგებები
- +

5 სექტემბერი. 2020. 11:14

 

 

საქართველოს კალათბურთელთა ნაკრების წევრები, ბექა ბურჯანაძე და გიორგი შერმადინი ესპანეთის ჩემპიონატის ახალი სეზონისთვის ემზადებიან. მათმა გუნდებმა მორიგი საკონტროლო მატჩები გამართეს.

 

ბექა ბურჯანაძის „გრან კანარიამ“ მადრიდის „ესტუდიანტესი“ 94:83 დაამარცხა, ხოლო გიორგი შერმადინის „ტენერიფემ“ „ფუენლაბრადასთან“ 84:89 დათმო.

 

ბურჯანაძის თანაგუნდელებმა მატჩის ბედი მესამე პერიოდში გადაწყვიტეს, რომელიც 19-ქულიანი უპირატესობით, 29:10 მოიგეს.

 

გამარჯვებაში ბექას წვლილი 13 ქულა იყო: მან 18 წუთში ასპროცენტიანი სიზუსტით სტყორცნა – 2-დან 2 ორქულიანი, 3-დან 3 საჯარიმო, 2-დან 2 სამიანი. 13 ქულის გარდა ბექას ანგარიშზე 2 მოხსნა დაფიქსირდა.

 

„გრან კანარიას“ გამარჯვებაში 18 ქულიანი წვლილი შეიტანმა ვაილიმ, ხოლო მატჩის ბომბარდირი „ესტუდიანტესის“ ლეგიონერი ავრამოვიჩი გახდა – 24 ქულა.

 

გიორგი შერმადინის „ტენერიფე“ ნიკა ცქიტიშვილის ყოფილ კლუბ „ფუენლაბრადას“ მეოთხე პერიოდის წინ უგებდა, თუმცა დასკვნითი მონაკვეთი მადრიდელებმა უკეთ ჩაატარეს და, როგორც მოგახსენეთ, 89:84 მოიგეს.

 

„ფუენლას“ კალათბურთელებს ძალიან გაუჭირდათ ქართველი ცენტრის გიორგი შერმადინის შეკავება, რომელმაც 20 ქულას მოუყარა თავი. მის გუნდში 10 ქულას კიდევ ორი კალათბურთელი ასცდა – ფიტიპალდო (11) და ტოდოროვიჩი (12).

 

წყარო : wyaro
big_banner
არქივი