logo_geo
მიხაილ მარხელი: ეს იყო ნერვების თამაში
- +

8 ოქტომბერი. 2020. 23:30

 

 

საქართველოს ნაკრებთან წაგებული (1:0) ევრო 2020-ის პლეი ოფის მატჩის შემდეგ, ბორის პაიჭაძის სახელობის „დინამო არენაზე“ გამართულ პრესკონფერენციაზე ბელარუსის ნაკრების მთავარმა მწვრთნელმა თამაში შეაფასა – მისი თქმით, მატჩი ნერვების ბრძოლა იყო.

 

„თამაში ისეთი იყო, როგორც გვეგონა – ეს ნერვების ბრძოლა იყო. საკმაოდ თანაბარი მატჩი გამოდგა. საკვანძო გამოდგა პენალტი, რომელიც ჩვენს კარში დაინიშნა და საქართველომ მოიგო“, – განაცხადა მიხაილ მარხელმა.

 

მან იმ მიზეზებზე ილაპარაკა, რის გამოც მეორე ნახევარში ბელარუსის ნაკრებმა უკეთ ითამაშა:

 

„კმაყოფილი არ ვიყავი იმ თამაშით, რაც პირველ ტაიმში ვაჩვენეთ და შეცვლები ამის გამო განვახორციელე“.

 

შეკითხვაზე ხომ არ აპირებს გადადგომას, რადგან გუნდი შემდეგ ეტაპზე ვერ გაიყვანა, მარხელმა უპასუხა:

 

„ყველა მწვრთნელი გადადგომისთვის მზად უნდა იყოს. კონკრეტული არაფერი თქმულა, რომ არგასვლის შემთხვევაში გადავდგებოდი, მაგრამ იყო მიზანი და გასაგებია, რომ მისი შეუსრულებლობის შემდეგ იქნება შეფასება, ვნახოთ, ფეხბურთის ფედერაცია რა გადაწყვეტილებას მიიღებს“.

 

 

წყარო : wyaro
big_banner
არქივი