მადრიდის „რეალის“ ფორვარდებს – ქარიმ ბენზემასა და ვინისიუს ჟუნიორს შორის, შესაძლოა, სერიოზული კონფლიქტი წარმოიშვას.

ჩემპიონთა ლიგის მეორე ტურში „გლადბახთან“ მატჩის შესვენებაზე ტელეკამერამ დაიჭირა ბენზემას საუბარი ფერლან მენდისთან ფრანგულ ენაზე. ფრანგი ფორვარდი თხოვს მენდის – არ შეიმჩნიოს მოედანზე ვინისიუსი.

„ძმაო, არ მიაწოდო ბურთი ვინისიუსს. გეფიცები, ის ჩვენს წინააღმდეგ თამაშობს“, – თქვა ბენზემამ.

სტატისტიკური პორტალის Opta-ს ინფორმაციით, შესვენების შემდეგ, ბენზემას არც ერთი გადაცემა არ მიუცია ვინისიუსისთვის. ფრანგმა 90 წუთი ითამაშა და ერთი გოლი გაიტანა. ვინისიუსი 70-ე წუთზე ედენ აზარმა შეცვალა.

წყარო :