ესპანელი ჩოგბურთელი რაფელ ნადალი მსოფლიო რეიტინგში ზედიზედ 790 კვირაა ტოპ-ათეულში იმყოფება.
ასე რომ, 34 წლის ნადალმა გააუმჯობესა ამერიკელი ჯიმი კონორსის რეკორდი – ეს ჩოგბურთელი ზედიზედ 789 კვირის განმავლობაში არ ვარდებოდა კლასიფიკაციის საუკეთესო ათეულიდან. ამ მაჩვენებლით მესამე ადგილი უკავია შვეიცარიელ როჯერ ფედერერს – 734 კვირა.
რაფაელ ნადალი „დიდი სლემის“ ტურნირების 20-გზის ჩემპიონია, ATP-ის დონეზე კი 86 ტურნირი აქვს მოგებული.