logo_geo
ლიონელ მესი ორმატჩიანი დისკვალიფიკაციით დასაჯეს
- +

19 იანვარი. 2021. 19:47

 

 

 

ლიონელ მესი ორმატჩიანი დისკვალიფიკაციით დასაჯეს. ესპანეთის ფეხბურთის ფედერაციამ სუპერთასის ფინალში „ბილბაო“-„ბარსელონას“ შეხვედრის ბოლოს მომხდარ ეპიზოდზე იმსჯელა, როდესაც არგენტინელმა ფორვარდმა ასიერ ვილიალიბრეს თავში ხელი ჩაარტყა და მთავარმა არბიტრმა ხესუს ხილ მანსანომ „ბარსელონას“ კაპიტანი გააძევა.

 

იმ შემთხვევაში, თუ მესის საქციელს განზრახ აგრესიად ჩათვლიდნენ, რეგლამენტის მიხედვით, მას ოთხიდან თორმეტ მატჩამდე გამოტოვება ემუქრებოდა, თუმცა დისციპლინარულმა კომიტეტმა ასეთი მკაცრი სასჯელის გამოტანისგან თავი შეიკავა.

 

ლიონელ მესი, რომელმაც საკლუბო კარიერაში წითელი ბარათი პირველად მიიღო, თანაგუნდელებს „კორნელიასთან" სამეფო თასისა და „ელჩესთან" ლა ლიგის შეხვედრაში ვერ დაეხმარება.

 

 

წყარო : wyaro
big_banner
არქივი