ბრაზილიის საფეხბურთო კლუბმა „შაპეკოენსემ" ნოემბერში მომხდარი ავიაკატასტროფის შემდეგ, პირველი ტიტული მოიგო. სანტა-კატარინას შტატის ჩემპიონატის მერვე ტურში, განახლებული შემადგენლობით მოთამაშე „შაპეკოენსემ" „ჟოინვილი" 2:0 დაამარცხა და პირველობა შეჯიბრის დასრულებამდე ერთი ტურით ადრე მოიპოვა.
შეგახსენებთ, რომ „შაპეკოენსეს" თვითმფრინავი ნოემბერში, საწვავის უკმარისობის გამო ჩამოვარდა. ავიაკატასტროფის შედეგად 69 ადამიანი დაიღუპა.