კოპენჰანგენის და ბრედფორდის უნივერსიტეტების თანამშრომლებს მიაჩნიათ, რომ ტატუირება მავნებელია. საშიშროების შემცველია ტატუირების დროს გამოყენებული საღებავები. ისინი კანცეროგენებს წარმოადგენს და არა მარტო კიბოს, არამედ სხვა დაავადების პროვოცირებაც შეუძლია. საღებავები შეიცავს ვერცხლისწყალს (წითელი) და კობალტს (ლურჯი, მწვანე). 21 პოპულარული სახეობის საღებავიდან ტოქსიური ნივთიერება 13-ში გამოვლინდა.

ტატუირების გავრცელების ფონზე, ექიმები კანის ინფექციების მქონე პაციენტების რაოდენობის გაზრდას კონსტატირებენ. ტატუს საღებავებთან დაკავშირებით კითხვები ევროპის ქიმიურ სააგენტოსაც ჰქონდა. ყველა ექსპერტი საუბრობს წითელი საღებავების განსაკუთრებულ მავნებლობაზე. სპეციალისტები ხაზგასმით აცხადებენ, რომ არ ხდება ოფიციალური სტრუქტურების მხრიდან გამოყენებული საღებავების სათანადო კონტროლი (ტატუირებისთვის საჭირო საღებავები ლიცენზირებას არ ექვემდებარება). ცალკე საკითხია ტატუს ოსტატების წესები და ვალდებულებები. 

დღეისათვის ოფიციალურად, მთელს მსოფლიოში, ტატუს გაკეთებისას, სპეციალისტი არაა ვალდებული გაიკეთოს ხელთათმანი, მიუხედავად კლიენტის სისხლთან ხშირი კონტაქტისა. გასაკვირია, მაგრამ არც ერთი ნემსის რამოდენიმე კლიენტზე გამოყენების ოფიციალური აკრძალვაა, რაც აივ და სხვა ინფექციების გადაცემის პირდაპირი რისკია. არა მარტო ექიმები, არამედ ტატუს ოსტატებიც ამ სფეროს კონტროლის გაძლიერებას მოითხოვენ.

წყარო :