Apple-ის 17 ყოფილი ინჟინერი ტექნოლოგიების მწარმოებელ კომპანია „Zoox"-ის პროექტში მიიღებს მონაწილეობას, რომელმაც უპილოტო ავტომობილის შექმნის შესახებ სულ ცოტა ხნის წინ განაცხადა.
Apple-ის ყოფილი ინჟინრები ავტომობილისთვის ხელოვნური ინტელექტის შექმნის პროცესში ჩაერთვებიან, რომელიც მანქანის დამოუკიდებელ მართვაზე იქნება პასუხისმგებელი; ასევე შეიმუშავებენ მანქანის გაჩერებისა და მუხრუჭების დიზაინს.
უპილოტო ავტომობილის პროექტის განხორციელებაში ასევე ჩართულნი არიან აშშ-ის საგზაო მოძრაობის უსაფრთხოების ეროვნული ადმინისტრაციის სპეციალისტი მარკ როზკინდი და „Ferrari"-ს ყოფილი ტოპ-მენეჯერი კორადო ლანცონე.
ჯერჯერობით უცნობია, თუ როდის იქნება მზად უპილოტო ავტომობილი.
კომპანია „Zoox" 2014 წელს დაარსდა.