გულ-სისხლძარღვთა დაავადებების განვითარების რისკის შესამცირებლად, მწეველებმა თამბაქოზე უარი საერთოდ უნდა თქვან და არ შემოიფარგლონ მხოლოდ სიგარეტის რაოდენობის შემცირებით. ასეთი დასკვნა გამოიტანეს ბრიტანელმა მეცნიერებმა, რომელთა კვლევას ჟურნალი „BMJ" აქვეყნებს.

ადამიანებს, რომლებიც დღეში მხოლოდ ერთ სიგარეტს ეწევიან, გულის პრობლემის გაჩენის მაინც 50%-იანი შანსი აქვთ და 30%-ით ზრდიან ინსულტის რისკს. მეცნიერების თქმით, ასეთი ტიპის დაავადებებისთვის „არ არსებობს უსაფრთხო დოზა".

მეცნიერების ანალიზმა აჩვენა, რომ 100 ადამიანს შორის, რომელიც დღეში 20 ცალ სიგარეტს ეწეოდა, გულის შეტევა საშუალოდ შვიდს დაუფიქსირდა. მიუხედავად იმისა, რომ მათ შემდგომ სწრაფად შეწყვიტეს ბევრი მოწევა და დღეში 1 ცალი სიგარეტით შემოიფარგლეს, ამან მაინც გამოიწვია გულის შეტევა 100-დან 3 ადამიანის შემთხვევაში.

წყარო :