- +

 

 

საზღვარგარეთ მოგზაურობისას რა არის მთავარი? ვიღაცისთვის - ბუნება, ვიღაცისთვის - კომფორტი, ვიღაცისთვის - არქიტექტურა, ვიღაცისთვის - მომსახურების ხარისხი... და ბევრისთვის - დაბალი ფასები ალკოჰოლზე!

 

დიდი ბრიტანეთის საფოსტო სამსახურმა (Post Office) იაფი ალკოჰოლის მქონე ევროპის ქალაქების რეიტინგი გამოაქვეყნა. გაანგარიშებისთვის 12 სხვადასხვა ალკოჰოლური სასმელის საშუალო ფასები აიღეს: ბოთლი ლუდი, ღვინის ბოკალი, შამპანურის ბოკალი, კოქტეილი (ლონგ-დრინქი), თოტა ტეკილა, ბრენდის ბოკალი, ლიქიორის სირჩა, ბოკალი ჯინ-ტონიკი, ბოკალი რომი კოლათი, ბოკალი არაყი ფორთოხლის წვენით, ჭიქა ვისკი სოდიანი წყლით და ბოკალი მარტინი. შედეგებს შეგიძლიათ, ქვემოთ გაეცნოთ.

 

10. ლონდონი

 

გაერთიანებული სამეფოს დედაქალაქში პინტა ლუდი, საშუალოდ, 5,48 დოლარი ღირს. ჭიქა რომ-კოლა - 7.31 დოლარი. 12 ალკოჰოლური სასმელის საერთო ფასი 88,4 დოლარი გამოვიდა.

 

9. ბარსელონა

 

 

8. ამსტერდამი

 

ველოგასეირნების შემდეგ თუ ბარში შეივლით ტეკილას დასალევად ის 3,5 დოლარი ეღირება. ვისკი სოდიანი წყლით - 5,8 დოლარი. ნაკრები კი - 85 დოლარი.

 

7. ბერლინი

 

ლუდი ბერლინში საშუალოდ 4,1 დოლარი ღირს, ბოკალი ბრენდი - 5 დოლარი, ხოლო მარტინი - 10 დოლარი. 12 სასმელის ნაკრები - 84 დოლარი.

 

6. პალმა-დე-მალიორკა

 

ბალეარის კუნძულებზე ჯინ-ტონიკი 8,4 დოლარი ღირს, ხოლო ბოკალი ღვინო - 3,5 დოლარი. სარეიტინგო ნაკრები აქ 83 დოლარი დაგიჯდებათ.

 

5. ტალინი

 

ბოთლი ლუდი ტალინში 3,8 დოლარი ღირს, ხოლო ბოკალი შამპანური - 5,9 დოლარი. ნაკრების საერთო ფასი აქ 77,6 დოლარი გამოვიდა.

 

4. რიგა

 

რიგაში ალკოჰოლი კიდევ უფრო იაფია: შოტი ტეკილა - 4 დოლარი, რომი კოლათი - 7 დოლარი, ლუდი - 3,5 დოლარი. ნაკრების საერთო ფასი 73,03 დოლარს შეადგენს.

 

3. კრაკოვი

 

პოლონეთის უძველეს დედაქალაქში ლუდი 4,4 დოლარი ღირს, არაყი წვენით - 3,5 დოლარი, ხოლო ჭიქა ბრენდი 4,85 დოლარი. ნაკრების ფასი კი 49,44 დოლარი გამოვიდა.

 

2. ბუდაპეშტი

 

უნგრეთის დედაქალაქს რეიტინგში მეორე ადგილი უკავია. აქ შემდეგი ფასებია: ლუდი - 2,2 დოლარი, ბოკალი ღვინო - 1,7 დოლარი, არაყი წვენით - 4, 74 დოლარი. ნაკრების ფასი - 44 დოლარი.

 

 

1. პრაღა

 

რეიტინგში პირველი ადგილი ჩეხეთის დედაქალაქმა დაისაკუთრა. განთქმული ჩეხური ლუდი, საშუალოდ, 1,8 დოლარი ღირს, რომ-კოლა - 4,14 დოლარი, ხოლო შოტი ტეკილა - 2, 53 დოლარი. 12 ალკოჰოლური სასმელის ნაკრების ფასი კი 42 დოლარი აღმოჩნდა.