შობა-ახალი წელი და საჩუქრები ერთმანეთისგან განუყოფელი ცნებებია. რა უნდა ვაჩუქოთ საყვარელ ადამიანებს - ამ საკითხზე მეცნიერებმა კვლევა ჩაატარეს. შედეგები სამეცნიერო ჟურნალში „Experimental Social Psychology“-ში გამოქვეყნდა.
კვლევის შედეგები ასეთია:
აჩუქეთ ადამიანებს ის, რაც ყველაზე მეტად სურთ - კვლევისას დადგინდა, რომ ადამიანები საჩუქრის მიღებისას ელიან, რომ ყუთში ის დახვდებათ, რაც ყველაზე მეტად სურთ.
შეარჩიეთ ლამაზი მისალოცი ბარათი - მეცნიერების თქმით, საჩუქართან ერთად მისალოც ბარათს დიდი მნიშვნელობა აქვს. ლამაზი გაფორმებით მისალოცი ბარათი სიურპრიზს უფრო მეტად საინტერესოს გახდის.
აჩუქეთ თქვენი ხელით - ადამიანები იგრძნობენ, რომ ისინი თქვენთვის მნიშვნელოვანი პერსონები არიან.
შეეცადეთ, საჩუქარი თქვენს ინტერესებთანაც იყოს ახლოს - მეცნიერების აზრით, საჩუქარი, რომელიც მჩუქებელსაც მოსწონს, უფრო მეტად აახლოებს ადამიანებს.
საჩუქარს მოაძვრეთ ფასის აღმნიშვნელი იარლიყი - თუ საჩუქარს ფასი მითითებული ექნება, ეს უხერხულ მომენტს შექმნის.
საჩუქარი ერთჯერადი არ უნდა იყოს - მეცნიერების აზრით, ადამიანებს ისეთი საჩუქრები მოსწონთ, რომლებსაც ხშირად გამოიყენებენ, მაგალითად, სამზარეულოს ნივთები, გაჯეტები და ა.შ.
შეფუთეთ საჩუქარი - საჩუქარი ნებისმიერ შემთხვევაში შეფუთეთ და განსაკუთრებით მაშინ, როდესაც იცით, რომ ის არც ისე კარგია.