Google-მა Android-ზე ორი ახალი ფუნქცია წარადგინა. სუბტიტრები რეალურ დროში (Live Transcribe) და ხმის გამაძლიერებელი (Sound Amplifier). ორივე მათგანის მიზანი სმენადაქვეითებული ადამიანების დახმარებაა. ამის შესახებ The Verge-ი წერს.

სუბტიტრების ფუნქციის მეშვეობით, სმენადაქვეითებული ადამიანი გარშემომყოფებთან ურთიერთობას უპრობლემოდ შეძლებს. მათი დიალოგი კი Android სმარტფონის ეკრანზე, რეალურ დროში გამოჩნდება.

რაც შეეხება მეორე ფუნქციას - ხმის გამაძლიერებელს, ის სმენადაქვეითებულებს მოსმენილის უკეთ გაგებაში დაეხმარება.

ორივე ფუნქცია Pixel 3 სმარტფონებზე, პარამეტრების (Settings) განყოფილებაში გამოჩნდება. სიახლე Google Play Store-დანაც არის ხელმისაწვდომი.

წყარო :