იანვარში, ლიეტუველმა დეველოპერებმა აპლიკაცია GetPet-ი გამოუშვეს. პროგრამული უზრუნველყოფის მიზანი, თავშესაფარში მყოფი ძალების გაცნობაა. Tinder-ის მსგავსად, GetPet-შიც ძაღლებს საკუთარი პროფილი და ბიოგრაფია აქვთ. ამის შესახებ Cnet-ი წერს.
პროფილზე, რამდენიმე განყოფილებაა შესავსები. მათ შორის ასაკი, სქესი ან აქვს თუ არა შინაურ ცხოველს კასტრაცია ან სტერილიზაცია ჩატარებული.
პროფილის ფოტოს ქვედა ნაწილში ორი ღილაკი - ❌ და ❤️ არის გამოსახული. ❌ ნიშნავს, რომ ძაღლი არ მოგეწონათ და მზად ხართ, შემდეგი პროფილი ნახოთ. ❤️ მოწონებას და შეხვედრის, შინაური ცხოველი მონახულების სურვილს ნიშნავს.
თავშესაფარში ძაღლის მონახულების შემდეგ, შინაური ცხოველის სახლში წაყვანაც შესაძლებელია. ამ შემთხვევაში GetPet-ის მენტორები, ძაღლის პოტენციურ მომვლელებს მის ზრუნვასთან დაკავშირებული რჩევებით ეხმარებიან.
იმის გათვალისწინებით, რომ აპლიკაცია ჯერ, მხოლოდ ლიეტუვაში მუშაობს, ის მხოლოდ ლიეტუვურ ენაზეა. უახლოეს მომავალში GetPet-ის შემქმნელები, მსგავსი აპლიკაციის გამოშვებას კატებისთვისაც გეგმავენ.