logo_geo
მეცნიერებმა სიბრმავის წინააღმდეგ გენური თერაპია პირველად გამოიყენეს
- +

19 თებერვალი. 2019. 12:10

 

 

ოქსფორდელი ქალი მსოფლიოში პირველი ადამიანი გახდა, რომელმაც სიბრმავის ყველაზე გავრცელებული ფორმის სამკურნალოდ გენური თერაპია გაიარა. ამის შესახებ BBC წერს.

 

ქირურგებმა ჯანეტ ოსბორნის თვალში სინთეტიკური გენი შეიყვანეს. ეს არის პირველი მკურნალობა, რომელიც ასაკობრივი მაკულოდისტროფიის წინააღმდეგ გამოიყენეს.

 

როგორც BBC წერს, დიდ ბრიტანეთში ეს დიაგნოზი 600 000-მდე ადამიანს აქვს. მათ უმრავლესობას მხედველობის სერიოზული დარღვევები აქვთ.

 

80 წლის ჯანეტ ოსბორნი 10 პაციენტიდან პირველია, რომელზეც გენური თერაპია გამოსცადეს.

 

მეცნიერების განმარტებით, სიბერის პარალელურად გენები, რომლებიც პასუხს აგებენ თვალების დაცვაზე, შეფერხებით მუშაობენ, რაც თავის მხრივ მხედველობის დაქვეითებას იწვევს.

 

გენური თერაპიისას თვალის უკანა ნაწილში კეთდება ინექცია, რომელიც სინთეტიკურ გენს შეიცავს და მეცნიერების მტკიცებით, სრულიად უვნებელია.

 

 

წყარო : wyaro
big_banner
არქივი