Skype-მა მომხმარებელს კიდევ ერთი სიახლე შესთავაზა. ამიერიდან ოპერაციული სისტემების Windows-ისა და Mac OSX-ის მომხმარებლებს შესაძლებლობა აქვთ, Skype Web-ით ისარგებლონ. ამის შესახებ Skype-ის ბლოგზე ვკითხულობთ.
ამისთვის მომხმარებელს კომპიუტერზე სულ მცირე Windows 10 და Mac OSX10.12 ვერსია უნდა ჰქონდეს მომართული და Google Chrome-ის ან Microsoft Edge-ის ბოლო ვერსიის ბრაუზერით სარგებლობდეს.
სიახლის გამოცდა ბრაუზერებით - Safari, Firefox და Opera ხელმისაწვდომი არ არის.
რაც შეეხება Skype Web-ის ფუნქციებს, ვებგვერდიდან მომხმარებელი HD ვიდეოზარით, შეტყობინებების პანელით და მედიაგალერიით სარგებლობას შეძლებს. ნებადართულია ზარის ჩაწერაც.