„საფრანგეთის ჩრდილო-აღმოსავლეთით მდებარე შინაური ფრინველების ფერმაში, მელია, სავარაუდოდ, ქათმებმა მოკლეს”, - ამის შესახებ გამოცემა „The Guardian“ წერს. ვარაუდობენ, რომ ცხოველი ფერმაში შეიპარა.
სასოფლო-სამეურნეო დაწესებულების ხელმძღვანელის პასკალ დანიელის განცხადებით, მკვდარი მელია საქათმის კუთხეში იპოვეს. დანიელის თქმითვე, ქათმებმა ინსტინქტის შესაბამისად იმოქმედეს და მელიას ნისკარტებით დაესხნენ თავს.
„The Guardian“-ის ინფორმაციით, ფერმაში მდებარე საქათმე მთელი დღის განმავლობაში ღიაა და ქათმები მთელი დღე გარეთ არიან. ამ ტერიტორიაზე მელია ბოლოს გასულ წელს ნახეს.
წყარო - the guardian