logo_geo
5 შვილის დედამ საკუთარი სხეულის ფოტოები გაასაჯაროვა
- +

17 აპრილი. 2019. 17:52

 

დიეტა, ბოტოქსი, ტანსაცმელი, ვარცხნილობა... ზოგჯერ გვეჩვენება, რომ სამყარო ზედაპირულია და ყველა, ვინც მის თანამედროვე სტანდარტებს ვერ ერგება, განისჯება საზოგადოების მიერ. ეს გვაბრმავებს და ხელს გვიშლის დავინახოთ, რომ ნამდვილი სილამაზე არ არის ხელოვნურად შექმნილი და ბევრად უფრო ღრმაა, ვიდრე მოგონილი სტანდარტები. სტატიაში გაგაცნობთ 5 შვილის დედას, რომელიც სწორედ ამას ამტკიცებს.

 

წარმოგიდგენთ ბრენდა სტეარნს: დედას, შთაგონების წყაროსა და მისაბაძ მაგალითს.

 

 

ბრენდა წარმოშობით მექსიკიდანაა, მაგრამ წლების წინ გადავიდა აშშ-ში საცხოვრებლად. ერთი იღბლიანი შეცდომის წყალობით, მან მობილურზე არასწორ ნომერს მისწერა, რაც ამ ადამიანთან ქორწინებით დამთავრდა. დღეს ცოლ-ქმარი ოჰაიოში ცხოვრობს, ბრენდა კი თავის ცხოვრებას „ინსტაგრამზე“ უზიარებს საზოგადოებას.

 

ის საკმაოდ ბედნიერად ცხოვრობდა, სანამ დეპრესია ეწვეოდა.

 

 

მე-5 შვილის გაჩენის შემდეგ ბრენდას პოსტნატალური (მშობიარობის შემდგომი) დეპრესია ეწვია. ბავშვის გაჩენიდან 3 თვე გავიდა და მისი სხეული კიდევ არ დაბრუნებია მშობიარობამდე პერიოდის ფორმას. ის საკუთარ სხეულში თავს არაკომფორტულად და უბედურად გრძნობდა. ასე მანამდე იყო, სანამ ბრენდა რეალობას გააცნობიერებდა და შეეგუებოდა მას.

 

 

„სინამდვილე ისაა, რომ ჩემი სხეული ლამაზი და ძლიერია... და თქვენიც ასევე“, - დაპოსტა მან.

 

მან სოციალურ მედიაში ზემოთ მოცემული ფოტო ატვირთა და წააწერა: „ეს სურათი იმისთვის გადავიღე, რომ მუდამ შევახსენო საკუთარ თავს, მნიშვნელობა არ აქვს, როგორ გამოიყურება ჩვენი სხეული ამ კონკრეტულ მომენტში - დროა, დავაფასოთ საკუთარი სილამაზე!“

 

ალბათ, ჩვენი უმეტესობა ბრენდას შთაგონების წყაროდ აღიქვამს, ბევრმა ადამიანმა კი ამ ქალს საზიზღარი უწოდა დედობრივი სხეულის გამოჩენის გამო.

 

 

ცუდი კომენტარების გამო მას თავი დამცირებულად არ უგრძვნია. ამის ნაცვლად, მოძრაობა ჩამოაყალიბა და დაიწყო საზოგადოებაში ცნობიერების გაზრდაზე მუშაობა დედების სილამაზის შესახებ. მსოფლიოს გარშემო ქალები ლოცავენ მას ძალისა და მოტივაციის მიცემის გამო და უკომენტარებენ, რომ ძლიერია და მისგან მაგალითს იღებენ.

 

ამჟამად ბრენდას 25 000-ზე მეტი გამომწერი ჰყავს, რომლებიც თვალს ადევნებენ ძლიერი ქალის ცხოვრებას და ბავშვების შესახებ მის რჩევებსა და ამბებს ისმენენ.

 

 

მთავარი მესიჯი, რის მიწოდებასაც ბრენდა ცდილობს ხალხისთვის, ასეთია: „ჩვენი შვილები იცნობენ ჩვენს გულს და უანგაროდ ვუყვარვართ. მათი სიყვარული ყველაფრად ღირს!“ გამკიცხავი კომენტარები კი ამასთან შედარებით უმნიშვნელოა.

 

 

იმ დროში, სადაც სილამაზის სტანდარტები ლამის წესად იქცა, დასაფასებელია ადამიანი, რომელიც აღმოჩნდა მამაცი და ისინი დაამარცხა.

 

 

 

წყარო : wyaro
big_banner
არქივი