გულის ამერიკული ასოციაციის ექსპერტთა განცხადებით, ხილისა და ბოსტნეულის 3-5 ულუფა დღეში პერიფერიული სისხლძარღვების დაავადებათა რისკს 20 %-ით აქვეითებს. დასკვნა გაკეთებულია 3,7 მილიონი ადამიანის გამოკვლევის საფუძველზე.
ეს განსაკუთრებით მნიშვნელოვანია მწეველებისთვის, შაქრიანი დიაბეტითა და ჰიპერტონიით დაავადებულთათვის, რომლებსაც ხშირად აღენიშნებათ სისხლძარღვთა შევიწროება.
სხვა კვლევებით დადასტურებულია, რომ ბოსტნეულისადმი ნეგატიური დამოკიდებულება 37 %-ით ზრდის ინსულტისა და გულის იშემიური დაავადების რისკს.
ასე რომ, შეიყვარეთ ხილი და ბოსტნეული! რეგულარულად მიირთვით დღეში 3 ულუფა მაინც!