logo_geo
ქმარმა როცა გადაწყვიტა, მომაკვდავი ცოლი აპარატიდან გამოერთო, მისი ჩურჩული გაიგონა
- +

14 ივნისი. 2019. 19:24

 

ეს რეალური ამბავია და კიდევ ერთი დასტური იმისა, რომ რწმენას სასწაულის მოხდენა შეუძლია...

 

„იმ დღეს, როცა 45 წლის ქალი შვილმა იატაკზე უგონოდ იპოვა, მთელი ოჯახისთვის კოშმარი დაიწყო. 12-დღიანი კომის შემდეგ ექიმებმა სიტუაცია უიმედოდ შეაფასეს და ოჯახს შესთავაზეს, პაციენტი აპარატიდან გამოერთოთ, რომელიც სასიცოცხლო ფუნქციებს უზრუნველყოფდა...

 

 

ამ გადაწყვეტილების მიღება ოჯახს ძალიან გაუჭირდა, თუმცა, ისევ დედის პატივისცემის გამო, გადაწყვიტეს, მისი სხეული აღარ ეწვალებინათ...

 

 

ჯერ ქალიშვილი მივიდა გამოსამშვიდობებლად, შემდეგ - ვაჟი. ორივემ ყურში რაღაც უთხრა დედას.

 

 

იქვე იდგნენ ექიმები, რომელიც ოჯახის მამას დეტალურად უხსნიდნენ, აპარატის გამორთვისას რა მოხდებოდა.

 

დედასთან გამოთხოვებისთვის მამის ჯერი დადგა.

ის მიუახლოვდა ცოლს და ყურში უთხრა: „შენ უნდა იბრძოლო, შენ ჩვენთან უნდა დარჩე!“

 

...და ქალმა გაიგონა ეს სიტყვები. მას არ შეეძლო ნიშნის მიცემა, ტუჩების გამოძრავება, მაგრამ ყველაფერი ესმოდა და ის იბრძოდა.

 

როდესაც ქმარი საწოლთან დაიხარა, რათა ცოლისთვის უკანასკნელად ეკოცნა, მაშინ მოხდა სასწაული: „ვიბრძოლებ“, - დაიჩურჩულა ქალმა.

 

ოჯახი შოკში იყო. დედა, რომელსაც უკვე აპარატი გამოურთეს და გულში გლოვობდნენ, მათ დათმობას და სიკვდილს არ აპირებდა.

 

დედა ცოცხალი იყო და გონებაზე მოვიდა.

 

დღეს ლინდა სვოპი, მეუღლე სტივენთან და შვილებთან ერთად, ბედნიერად ცხოვრობს. და ჰყვება, რომ, როცა კომაში იყო, ყოველი სიტყვა ესმოდა, ყოველ რეაქციას გრძნობდა - თავისიანების ტირილს, უიმედო ამოოხვრას...

 

 

„თუ ადამიანი უგონოდაა, ნუ იფიქრებთ, რომ მას არაფერი ესმის. ასეთ სიტუაციაში ბევრი ელაპარაკეთ, მის გონებამდე თქვენი ყოველი სიტყვა მიდის! ნუ ჩაიქნევთ ხელს და ნუ დაკარგავთ იმედს“, - ამბობს ლინდა.

 

 

ეს რეალური ისტორია კიდევ ერთი დასტურია იმისა, რამხელა ძალა აქვს სიყვარულსა და რწმენას“.

 

 

 

 

 

 

წყარო : wyaro
big_banner
არქივი