logo_geo
გაიცანით 15 წლის ქართველი მევიოლინე, რომელმაც საერთაშორისო კონკურსში გაიმარჯვა
- +

11 აგვისტო. 2019. 02:08

 

15 წლის მარიამ ობოლაშვილი უნგრეთში, ბუდაპეშტის მევიოლინეთა საერთაშორისო კონკურსის გამარჯვებული გახდა. კონკურსში 15 ქვეყნის, 40-მდე წარმომადგენელი მონაწილეობდა. მარიამმა კონკურსში მონაწილეობა „Yehudi Menuhin“-ის სკოლის დაფინანსებით მიიღო და თავის კატეგორიაში პირველი საპრიზო ადგილი მოიპოვა, რაც 900 ევროს ოდენობით ჯილდოს მოიცავს. ჟიურის თავმჯდომარე ლეგენდარული მევიოლინე, ამერიკაში მოღვაწე ებრაელი შლომო მინცი გახლდათ.

 

„პრაიმტაიმი“ მარიამს დაუკავშირდა. მარიამმა პირველ გამარჯვებას 8 წლის ასაკში მიაღწია, როდესაც როდესაც ვილნიუსში, საერთშორისო კონკურსში გაიმარჯვა. ის უკვე მე-2 წელია, რაც ლონდონში, „Yehudi Menuhin“-ის სკოლაში სწავლობს. მისი თქმით, მისთვის სცენაზე დგომა, მუსიკის ფერების და ემოციების გაზიარება დიდი ბედნიერებაა.

 

„ეს პირველი გამარჯვებაა, რაც ამ სკოლის მოსწავლე გავხდი. ვინაიდან, ამ სკოლის დაფინანსებით და საქართველოს სახელით გამოვდიოდი კონკურსში დიდ პასუხისმგებლობას ვგრძნობდი. ბედნიერი ვარ, რომ გავიმარჯვე და შრომას ტყუილად არ ჩაუვლია. გამარჯვებები მჭირდება იმისთვის, რომ ვიოლინო შევიძინო. ინსტრუმენტი ლონდონის სკოლამ მათხოვა, ჩემი საერთოდ არ მაქვს და რომ  დავამთავრებ სკოლას არ მინდა ვიოლინოს გარეშე დავრჩე. ამიტომ ვეცდები კიდევ ვიბრძოლო პრიზებისთვის“.

 

 

 

 

წყარო : wyaro
big_banner
არქივი