logo_geo
გაინტერესებთ, Netflix-ის ისტორიაში ყველაზე პოპულარული სერიალი რომელი გახდა?
- +

28 იანვარი. 2021. 23:54

 

Netflix-ის ისტორიაში ყველაზე პოპულარული სერიალი „ბრიჯერტონი“ გახდა. ამის შესახებ EW წერს.

 

გამოცემის ინფორმაციით, პრემიერიდან 28 დღეში სერიალს, რომლის პროდიუსერიც „გრეის ანატომიის“ ავტორი შონდა რაიმსია, 82 მილიონ სახლში უყურეს.

 

შოუ ტოპ-ათეულში შევიდა ყველა ქვეყანაში, სადაც Netflix-ი ფუნქციონირებს, იაპონიის გარდა, ამერიკელი მწერლის, ჯულია ქუინის წიგნები კი, რომლებსაც სცენარი ეფუძნება, The New York Times-ის ბესტსელერების სიაში მოხვდა. უკვე ცნობილია, რომ Netflix-ი „ბრიჯერტონის“ მეორე სეზონის გადაღებას გაზაფხულზე დაიწყებს.

 

„ბრიჯერტონების“ პრემიერა Netflix-ზე 25 დეკემბერს შედგა. შოუ XIX საუკუნის ბრიტანული არისტოკრატიული საზოგადოების სკანდალებსა და ჭორებზე მოგვითხრობს. სიუჟეტის ცენტრში ახალგაზრდა დაფნი ბრიჯერტონი და ჰასტინგის ჰერცოგი არიან, რომელთა ურთიერთობებს მთელი საზოგადოება ადევნებს თვალს, მათ შორის იდუმალი ლედი უისლდაუნი, რომელიც მაღალი საზოგადოების წევრების სკანდალების შესახებ წერს.

წყარო : wyaro
big_banner
არქივი