მოძრაობის განვითარება
1. უნდა შეეძლოს ცალ ფეხზე დგომა მინიმუმ 10 წამის განმავლობაში;
2. ადგილზე ხტომა, ყირაზე გადაკოტრიალება;
3. აქეთ-იქეთ რყევა, რაიმეზე აცოცება;
4. რაიმეზე გადახტომა;
წვრილი მოტორიკა
1. შეუძლია გადაიხატოს სამკუთხედები და სხვა მარტივი გეომეტრიული ფიგურები;
2. ხატავს ადამიანის ტანს;
3. წერს ზოგიერთ ასოს;
4. შეუძლია დაუხმარებლად ჩაცმა-გახდა;
5. იყენებს ჩანგალს, კოვზს;
6. ტუალეტში თავად დადის;
ენობრივი უნარები
1. შეუძლია გაიხსენოს ნაამბობის გარკვეული ნაწილი;
2. ამბობს 5 და მეტსიტყვიან წინადადებებს;
3. საუბარში იყენებს მომავალ დროს;
4. ყვება გრძელ ისტორიებს;
5. ასახელებს სახელს, გვარს და საცხოვრებელ ადგილს;
შემეცნებითი პროცესი
1. შეუძლია გადათვალოს 10 და მეტი საგანი;
2. სწორად არჩევს მინიმუმ 4 ფერს;
3. წარმოდგენა აქვს დროის ცნებაზე (რას ნიშნავს გუშინ, ხვალ);
4. იცის იმ საგნების სახელი და დანიშნულება, რასაც ოჯახში ყოველდღიურად იყენებენ (ფული, საკვები, ტექნიკა);
სოციალური და ემოციური განვითარება
1. უნდა მეგობრების გახარება;
2. სურს, რომ თავის მეგობრებს ჰგავდეს;
3. ადვილად იგებს და ითვისებს თამაშის წესებს;
4. მოსწონს სიმღერა, ცეკვა და წარმოდგენების გამართვა;
5. ავლენს უფრო და უფრო მეტ დამოუკიდებლობას, უახლოეს მეზობელთანაც კი უკვე მარტო გადადის;
6. აცნობიერებს სქესთა შორის განსხვავებას;
7. ფანტაზიის რეალობისგან განსხვავება შეუძლია;
8. ახასიათებს სიჯიუტე;
ეს ზოგადი ჩამონათვალია და დიდად ნუ ინერვიულებთ, თუ ყველაფერი ერთი ერთში არ დაემთხვევა თქვენი ბავშვის განვითარების ტემპს. მიმართეთ პედიატრს შემდეგ შემთხვევებში, თუ ბავშვი:
1. შეშინებული და გაუბედავია;
2. ძალიან აგრესიულად იქცევა;
3. ძლიერი პროტესტის გარეშე მშობლებთან განშორება არ შეუძლია;
4. ადვილად გადააქვს ყურადღება სხვა რამეზე და ერთ აქტივობაზე ყურადღების კონცენტრირებას ვერ ახერხებს;
5. ნაკლებად აინტერესებს სხვა ბავშვებთან თამაში;
6. არ აქვს რეაქცია ადამიანებზე ან ძალიან ზედაპირულად რეაგირებს;
7. თამაშში წარმოსახვასა და იმიტაციას არ იყენებს;
8. დროის უმეტეს ნაწილს დარდიანი და უკმაყოფილო ატარებს;
9. ახალი თამაშები და საქმიანობები არ იზიდავს;
10. გაურბის ხალხს;
11. არ გამოხატავს ფართო დიაპაზონის ემოციებს;
12. უჩვეულოდ პასიურია;
13. ვერ იგებს დავალებას, რომელიც გავრცობილი წინადადებით არის ნათქვამი: „დადე ფინჯანი მაგიდაზე", „გამოიღე ბურთი მაგიდის ქვეშიდან";
14 ვერ ასახელებს სწორად სახელსა და გვარს;
15. საუბარში არ იყენებს წარსულ დროსა და მრავლობით რიცხვს;
16. არ ჰყვება შთაბეჭდილებებს;
17. ვერ ააგებს კოშკს 6-8 კუბით;
18. უჭირს კალმის დაჭერა;
19. უჭირს სამოსის გახდა;
20. ვერ იხეხავს კბილებს;
21. ვერ იბანს და იმშრალებს ხელებს.