ლივერპულის უნივერსიტეტის მკვლევარის ჯონ მურას გუნდმა, 500 წლის წინ მცხოვრები ირლანდიელის სახე აღადგინა. ეს იმ მეცნიერთა გუნდია, რომლებმაც მანამდე, ინგლისის მეფის რიჩარდ III-ისა და შოტლანდიის მეფე რობერტ I ბრიუსის, თავის ქალის ძვლებით, შეძლეს მათი მიახლოებითი მოდელების შექმნა. კვლევაზე ვრცლად გამოცემა Gizmodo წერს.
ირლანდიელის ნაშთი, ოთხ სხვა ადამიანის ძვლებთან ერთად, 2014 წელს დუბლინში, ტრინიტი-კოლეჯის მთავარ შესასვლელთან იპოვეს. არქეოლოგებმა ივარაუდეს, რომ ნაშთი ვიკინგებს ეკუთვნით, რომლებიც ამ ტერიტორიაზე VIII-XI საუკუნეებში ცხოვრობდნენ. თუმცა სამეცნიერეო ანალიზის შემდეგ, აღმოჩნდა რომ ის ტიუდორების მართველობის პერიოდს მიეკუთვნება (1485-1603).
ჩონჩხის თავის ქალა, რომელსაც SK2 დაარქვეს, კარგ მდგომარეობაში იყო შენახული, რამაც Face Lab-ის ლაბორატორიის სპეციალისტებს საშუალება მისცა სახის რეკონსტრუქცია ჩაეტარებინათ.
თავდაპირველად, მეცნიერებმა თავის ქალის სამგანზომილებიანი სკანირება გააკეთეს და შემდეგ გამოავლინეს წერტილები, რომლებიც სახის კუნთებს განსაზღვრავდა. ციფრულ მოდელზე, ანთროპოლეგები, ფენა-ფენით ათავსებდნენ კანის რბილ ქსოვილებს.
ექსპერტებმა დაასკვნეს, რომ SK2 - ეს 25-35 წლის კაცია, რომელიც დუბლინში ცხოვრობდა. სავარაუდოდ, ის დაბალი სოციალური სტატუსის წარმომადგენელი გახლდათ.