თანამედროვე არქიტექტორების ფანტაზიას საზღვარი არ აქვს. ისინი სულ უფრო ხშირად ცდილობენ სარისკო იდეების განხორციელებას. როგორც პრაქტიკიდან ჩანს, არასდროს ცდებიან.
„ცხოვრების რგოლი"
კორეის სახალხო რესპუბლიკაში არსებული ეს ნაგებობა 56 სართულიანი შენობის სიმაღლისაა და ის საგანგებოდ ტურისტებისთვის აშენდა. ნაგებობის თავში განთავსებულია გადმოსახედი მოედანი. ღამით რგოლი კიდევ უფრო საოცარი სანახავია 10 ათასამდე სხვადასხვა ფერის ნათურის წყალობით.
დეფანსის დიდი თაღი, საფრანგეთი
ფრანგები ცნობილები არიან თაღების მიმართ განსაკუთრებული სიყვარულით. ჰიპერკუბის ასეთი საინტერესო თაღი ააშენეს მათ მატარა ქალაქ პიუტოში. შენობის თავში განთავსებულია შენობები საკონფერენციო და სპორტული დარბაზებით.
არესიბოს ობსერვატორია, პუერტო-რიკო
არესიბო - ეს არის გიგანტური ობსერვატორია. ვარსკვლავებით მოჭედილი ცით ტკბობის უფლება იქ, რიგით მოქალაქეებს რა თქმა უნდა არ აქვთ, მაგრამ შეუძლიათ შორიახლოს დადგნენ და ლამაზი ფოტოები გადაიღონ.
„ეშმაკის ბორბალი" საყრდენი ღერძის გარეშე
ჩინეთში ააგეს „ეშმაკი ბორბალი" ღერძის გარეშე. კონსტრუქციის განსაკუთრებულობა იმაში მდგომარეობს, რომ ბორბალს ცენტრში არ აქვს საყრდენი. ატრაქციონის ყველაზე მაღალ წერტილში კაბინა ხიდიდან 145 მეტრის სიმაღლეზე ადის. კაბინებში არის Wi-Fi, რათა ადამიანებმა საკუთარი შთაბეჭდილებების შესახებ ინფორმაცია ოპერატიულად გაავრცელონ.
ვიდრარუს კაშხალი, რუმინეთი
ვიდრარუს კაშხალი იდეალური ადგილია დიდი დოზით ადრენალინის მისაღებად. ამის გაკეთება იოლია. ვიღაცისთვის საკმარისი იქნება კაშხალიდან უბრალოდ ქვემოთ გადაიხედოს, ვიღაცამ კი გაიკატაოს.
ცათამბჯენი „შუშის ნამსხვრევი", დიდი ბრიტანეთი
72 სართულიან ცათამბჯენში სახელწოდებით „შუშის ნამსხვრევი", საოფისე ფართები და საცხოვრებელი ბინებია განთავსებული, ყველაზე ბოლო და ყველაზე მაღალ სართულზე გადმოსახედი მოედანია განთავსებული, საიდანაც ლონდონის ულამაზესი ხედები იშლება.
მასლანტკერინგი, ნიდერლანდების
მასლანტკერინგი - უმძლავრესი მანქანა მდინარეზე, რომელიც ნიდერლანდებს ძლიერი შტორმისას იცავს. ბარიერის ფრთები კარის ფუნქციას ასრულებენ. დახურვისას წყლის მაღალი ნაკადს აჩერებენ.
გუვერის კაშხალი, აშშ
გუვერის კაშხალი - ორი ერთში. აქ არის კაშხალი და ჰიდროელექტროსადგურიც და იმდენად, რამდენადაც ეს უჩვეულოდ მაღალი ნაგებობა ქალაქ ლას-ვეგასთან ახლოს მდებარეობს, ის ასევე არის ღირშესანიშნაობა, რომელსაც ხშირად სტუმრობენ ტურისტები.
„შათირ ხანი", ყაზახეთი.
„შათირ ხანი" არის იმის მაგალითი, როდესაც რაღაც, სრულებით ჩვეულებრივი რამ შეიძლება აქციო არაჩვეულებრივად. ეს არის უბრალო, სავაჭრო - გასართობი ცენტრი ასტანაში, მაგრამ ამავდროულად მსოფლიოში ყველაზე დიდი კარვის ფორმის ნაგებობა.
მოსამართლე ჰარი პრეჯერსონის სახელობის კვანძი. აშშ
ეს 4-ე დონის კვანძია ლოს-ანჟელესში მოძრავი ავტომობილებისთვის. მასზე იმდენი ზოლია, რომ ვერ დათვლი. წარმოგიდგენიათ შემთხვევით სხვა მიმართულებით რომ გაუხვიოთ?
Shimao Wonderland ინტერკონტინენტალი, ჩინეთი
Shimao Wonderland ინტერკონტინენტალი - არის უახლესი სასტუმრო შანხაიში. არქიტექტორებმა გადაწყვიტეს, რომ მიტოვებული კარიერი ცარიელი არ უნდა ყოფილიყო და იქ ახლა სწორედ ის არის, სადაც ფოტოზე ხედავთ. სასტუმროში 328 ნომერია, ზოგი მათგანი წალქვეშაც არის.